¨°o.o (كشكشها ما تعرضهاش) O.o°¨

موضوضع يناقش ..... ( ثقافه الجيل )

ميزو وبيسو وتامر ابطال المشاهد اللي في موضوع كشكشها ماتعرضهاش وهنتعرض ليهم واحد واحد ومجتمعين ان شاء الله .

المشهد الاول ... غرفه ميزو ....
غرفه واسعه رحيبه بها سرير غير مرتب ودولاب تغطي ابوابه صور لفنانين وفنانات وكمبيوتر ومجموعه اشياء اخري وضعت بغير عنايه وميزو يدخل الي غرفته من الحمام يلف راسه بمنشفه ( فوطه ) وهو يغني بصوت عالي ...( امي مسافره وهأعمل حفله بس ياريت ما تجيش علي غفله ).. يرتدي ملابسه بسرعه بدي ضيق جدا تحسبه انه لاخيه الصغير وبنطلون جينز سقط الي تحت خصره بشويه لدرجه ان ملابسه الداخليه ( البرتقاليه اللون !!!!!! ) تظهر ...واغرق شعره بالجيل و( نكش شعره ) وخرج وهو يقول ( ايوه كده سبايكي مووووز يا ميزو يا جامد )
تناول هاتفه وطلب صديقه ( الانتيخ ) بيسو ..وما ان بدأ صوت الرنين علي الهاتف تعالت صوت الاغنيه التي يضعها بيسو مع الجرس ... ( عايزني اخس اخس ... عايزاني اتخن موافق .. اطول شعري اقفص .. من غير يمين موافق ... اسرح ولا البس كاب ولوايزه ااقص الجناب .. كل طلباتك تتنفذ بس انت اامري وانا انفذ )
يتعالي صوت بيسو قائلا

بيسو ... ياصباح اللي بتغني
ميزو .. صابح شيشه مغمسه عالشباب الكويسه
-ازيك يامان
-احس من وشك يا وومن ههههههههه
انت فين يا ريس ؟
انا اهه...
اهه فين؟
عالخريطه .هههههههه
( .... نكتفي من المحادثه بهذا الجزء )

يغلق ميزو الاتصال وهو مضايق ويقول .. شباب ابن ..... علي الطلاق انا شاكك الواد ده اتولد في اتوبيس !
اما اشوف هييجي علي ميعاده ولا لا ..

فاصل قصير مع احدي روائع هذا الزمن اغنيه ...
هأبطل السجاير ... خلاص واشرب حشيش ... ومن اول يناير .. هأديها وما اختشيش ... اييييييييييييييييه )

المشهد الثاني
ميزو وطرقات قويه علي منزل بيسو ...
يأتيه صوت بيسو من الداخل ... مين ؟ يجيبه ميزو صارخا ... انا جوز امك يا اور ؟؟!!! يفتح الباب ويدخل ميزو وهو غاضب يصافحه بضربه من قبضه يده لقبضه يد بيسو صائحا ... انت مش هتبطل حركات الرقاصات دي يابيسو كل مواعيدك كده في الها لالا ؟ ويدور الحوار ...
- ياعم خلاص فكها بقي ونزل عبد القادر من علي دماغك
- عبد القادر ده يبقي ..
- خلاص بقي مالك منفسن مني كده ؟
- - انا مش منفسن ياعم ولا حاجه
- -امال مالك مطبق وشك في وشي كده ليه هو انا اتجوزتك عرفي وخليت بيك ؟
علي الطلاق لأبوسك ... يقترب منه بيسو و( يبوسه ) بوسه بصوت مرتفع !

يرتدي بيسو ملابسه بسرعه ... ( بنطلون ضيق لابعد حد وقميص ( وردي اللون ) ...مالك مستغرب ليه اه قميص لونه وردي مش اسمه بيسو .. يفتح ازارا قميصه الي منتصف بطنه ولا يرتدي شيء تحت القميص وكأنه فتاه بورنو تستعرض جسدها

- ايه رائيك يامان في الطقم ده .... بيس ؟
- جامد ( كيــــــك) يا موّزه .. يلا بينا
- بينا يلا

... فاصل مع اوبريت ( ياوابور يا مولع ..حط الفحم .. عمرتك ولع .. حط الفحم .. سلكتك ولع ... حط الفحم ... ولع ولع ولع )

المشهد الثالث

بيسو وميزو في الشارع يتسكعان

بيسو يطالع في البنات والنساء ويقول بصوت عالي

- يانهار بني ... حلاوه الفراخ البيضا.....!

يسمعه رجل كبير مسن يمر جانبه ويقول له : يابني حرام عليك انت ملكش اخوات بنات تخاف عليهم ... اتقي الله في بنات الناس

يكشر بيسو ويقول ففففففففف يادي وجع الدماغ اللي عالصبح نقصاك انت كمان ياعم المنفسن ... دانت خلاص بتلعب في الوقت بدل الضايع !
قبل ان ينطق العجوز ينطق ميزو بسخريه ويقول :

ايه ده ياراجل انت .. اجري اجري دانت تلاقيك بتاخد حقن عشان تعرف تاخد نفسك ؟

فيقول العجوز لاحول ولا قوه الا بالله شباب بايظ

فيجيب الاثنان بصوت واحد علي الطلاق انت اللي راجل خرفان
سيبك منه ياعم داساسا ماخرجش من بيته من ايام العدوان الثلاثي وشكله تايه هنا !!

ويواصل الاننان المشي والنظر الي الناس ....

وهنا يتعالي صوت رنين هاتف بيسو ..( ياللي انت غاوي الحشيش ليكون حشيش لا بلاش .. البانجو ماتشربوش لو حتي كان ببلاش ... حمكشه في اللمكشه .. عامله هيلمان ......... ) فيقول دا الحبيب الرومانسي ؟ فيجيب مييزو دا العندليب ؟ فيجيبه اه ... فيكمل ياابن الفقريه دايما وش امه فقر كده رد عليه

يبدأ بيسو في المحادثه مع تامر ولا نسمع الا صوت سخريه وسب من بيسو لتامر

والان مع فاصل غنائي من احدي قصائد الجيل الغنائيه لاحدي الفنانات
( انزل من تاكسي اركب تاكسي .. لابسه قصير لابسه مكسي .. والكل يقول انتي سكــسي .... ياحلاوه يا حلاوه .. اطلع من حاره ادخل حاره .. رايحه لشقه ولا عماره ... والكل بيديني اشاره ... ياحلاوه ياحلاوه )

...... ولنا بقيه مع باقي اجزاء ( الفضيحه ) اقصد الروايه..

ملاحظات سريعه علي ما دار في هذا الجزء

*/* كل الفواصل الغنائه ليست من تفكيري ولكنها اغاني تعرض فعلا علي الشاشات ...

*/* هذا الشكل من الحياه توجد لقطاع عريض من الشباب تحت مسميات الحريه والروشنه

*/* نري ان الشباب هنا اتجهوا الي طريقه ملابس اقل ما يقال عنها انها حقيره ومبتذله حيث الملابس الضيقه جدا .. والبناطيل التي تكشف عورات الشباب ... والالوان النسائيه جدا تحت مسمي الاناقه وشباب موووز !

*/* قصم ظهر الاخلاق بالسخريه من كبار السن وعدم احترام الكبار ونسينا قول النبي فيما معني الحديث ليث منا لم يرحم صغيرنا ويوقر كبيرنا

*/* نري الشباب يتتبع كل ما هو بذيء سواء كان بالكلام او علي الهواتف النقاله
*/* نري طريقه حوار مبتذله لدرجه انعدام الذوق فيها حيث نري الفاظا سويقه وهمجيه تمت زراعتها في الشباب تحت صور عديده ونري فيها سب للأصحاب بينهم العبض ... وصولا لسب الام والاب والعائله

*/* عدم اهتمام الشباب بالذوقيات العامه واقلها رد السلام او الاستئذان للدخول

اتمني ان تكون هذه المواقف الساخره قد وصلت بكم الي ما اود ايصاله اليكم

وافر تحيتي واحترامي